फक्त १ रुपयात काढा पीक विमा. काय आहे हि योजना?

 फक्त १ रुपयात पीक विमा योजना काय आहे?त्याची नोंदणी कशी करावी? १ रुपयात पीक विमा नोंदणी कोठे करावी? १ रुपयात पीक विमा कश्यासाठी?

शेतकरी बांधवांना फक्त 1 रुपयांत पिक विमा (pik vima) काढून मिळेल अशी माहिती राज्य सरकारकडून देण्यात आली आहे. अगोदर प्रधानमंत्री पिक विमा योजने अंतर्गत विमा भरण्यासाठी शेतकर्‍यांना विमा हप्त्याची 2% रक्कम भरावी लागत होती. आता मात्र शेतकर्‍यांवरचे हे ओझे महाराष्ट्र सरकारने कमी केले आहे कारण आता शेतकर्‍यांकडून फक्त 1 रूपया घेऊन उर्वरित रक्कम सरकार भरणार आहे. त्यासाठी राज्य सरकारच्या तिजोरीवर ३३१२ कोटी रूपयांचा अधिकचा. बोजा पडणार आहे .

👉१ रुपयात पीक विमा मिळवण्यासाठी नोंदणी कोठे करावी ?

1 रुपयात पीक विमा याचा लाभ जर घ्यायचा असेल तर अगोदर आपल्याला नोंदणी करणे गरजेचे आहे. नोंदणी न केल्यास शेतकऱ्यांना या योजनेचा लाभ मिळणार नाही हे लक्षात असूद्या. ही नोंदणी आपल्याला ऑनलाइन स्वरूपात   PM किसान योजनेच्या वेबसाइट वर करता येणार आहे. जर घरी बसून ही नोंदणी करता येत नसेल तर आपल्या जवळील “आपले सरकार सेवा केंद्र” सेंटर ला भेट देऊन ही नोंदणी करून घ्या.

 

विमा कवच का?

👉हंगामातील प्रतिकूल परिस्थिती जसे की, पूर,दुष्काळ इत्यादीमुळे ५० टक्क्यांपेक्षा जास्त नुकसान झाल्यास.

👉पीक काढणीनंतर नुकसान झाल्यास पंचनामा करुन नुकसान भरपाईस पात्र होतो.

👉स्थानिक नैसर्गिक आपत्ती जसे की विमा संरक्षित क्षेत्रात अतिरिक्त  पाऊस होऊन नुकसान झाल्यास, गारपीट झाल्यास नुकसान भरपाई मिळते. 

👉किड, रोगांमुळे होणारी नुकसान भरपाई मिळावी यासाठी.

निष्कर्ष -:

 हा लेख १ रुपयात पीक विमा योजना संदर्भात आहे , महाराष्ट्रातील शेतकरी बांधवाना अत्यंत उपयुक्त अशी माहिती आहे , जर तुम्ही शेतकरी असाल तर आपल्या इतर शेतकरी बांधवांना पर्यंत जरूर हि माहिती पोहचवा.